Operis auctor est incomparabilis Pater Antonius Vieira, vir heroicae illimitatae mentis comprehensione, humani intellectus metas longe trascendens. Nam praeter hoc, quod admirandi ingenii sui acumine singula anatomizet; quod non visas hactenus luces ubique disseminet; quod sit in omni minori, et maiori facultate versatissimus, quod tenacissimae adeo memoriae, ut quidquid in Sanctis Patribus, in theologis, in historicis sacris, et prophanis, in Graecis, et Latinis interpretibus, et in quocumque scriptore naturalia, politica, aut moralia tractante, vel semel dumtaxat legerit, semper prae oculis, mente, et manibus habeat; quod in persuadendo efficacissimus; quod in textuum allegatione selectissimus; quod florentissimus in elocutione; quod res rebus non inani amplificet verbositate.
